2018 оны 02 дугаар сарын 06-ны өдөр Агьт багийнхаа БИНХурал, өдөрлөгийг амжилттай зохион байгуулан өнгөрүүллээ.
Уг хурлыг БИНХ-ын дарга Б.Баяртогтох нээн хурлаар хэлэлцэх асуудлын төлөвлөгөөг батлуулж, Багийн Засаг дарга Ш.Отгонбаатар 2017 онд хийсэн ажлынхаа тайланг танилцуулж, багийнхаа 80-с дээш настай иргэддээ хүндэтгэл үзүүллээ.
ИТХ-ын дарга, Засаг дарга, Орлогч дарга Г.Эрдэнэболд, Төсөв төрийн сангийн мэргэжилтэн С.Даваадулам, Нийгмийн даатгалын байцаагч Д.Бямбажаргал нар мэдээлэл хийж, ИТХ-ын дарга Л.Бат-Амгалан сумынхаа 90-с дээш настай хоёр иргэн Галсан, Даваахүү гуай нарт хувиасаа тавгын идээ өгч хүндэтгэл үзүүллээ.
Ажил амжилтаараа бусдыгаа манлайлж, тэргүүлсэн тус багийн иргэдээ шагнаж урамшуулсан юм. ИТХ-ын дарга Л.Бат-Амгалан, Засаг дарга Ч.Батмөнх, Орлогч Г.Эрдэнэболд нар Шинээр Мянгат малчны болзол хангасан Агьт багийн иргэн С.Гантөмөр, М.Чойрог нарт Мянгат малчны БАТЛАМЖ-ыг гардуулан баяр хүргэв. Мөн М.Чойрог гуайн гэр бүл 2017 ондоо ямаан сүргээрээ, Б.Очирбатын гэр бүл Адуу, Үхэр сүргээрээ тэргүүлсэн амжилтын эзэд боллоо.

Тус өдөрлөгийн арга хэмжээний Хасаа харвааны тэмцээнийг ИТХ-ын төлөөлөгч Б.Адъяа, Б.Даваацэрэн, Б.Очирбат нар тус бүр 30,000 төгрөгөөр ивээн тэтгэж, хасаа харвааны 1-р байрт Ө.Молом, 2-р байрт Д.Дарханбаатар, Б.Анхбаяр нар орж, бөхийн барилдаанд Сумын начин Б.Буяннэмэх түрүүлж, сумын начин Л.Дашцэрэн үзүүрлэж, сумын начин Б.Цэрэнпунцаг шөвгөрлөө.