Цагаанхайрхан ИТХурал, ЗДТГазар хамран "Төлчин эмэгтэйчүүдийн чуулга уулзалт", "Ар Монголын алдарт дуучин П.Адарсүрэнгийн дууг хэн сайн дуулах вэ" урд бүсийн тэмцээнийг зохион байгууллаа. Энэхүү уулзалт нь Эмэгтэйчүүдийн нийгмийн асуудлыг шийдвэрлэх, оролцоог нэмэгдүүлэх, амралт чөлөөт цагийг зөв боловсон өнгөрүүлэх, Ар Монголын алдарт дуучин П.Адарсүрэнг алдаршуулан, нутаг орноо сурталчлах, урд бүсдээ уламжлал болгох зорилготой арга хэмжээ амжилттай зохион байгуулагдаж өндөрлөлөө. 2 өдөр зохион байгуулагдсан чуулга уулзалтаар Төлчин эмэгтэйчүүдийн дунд "Гар бөмбөг, Сагс, Олс таталт, Цасны сумо," зэрэг хөгжөөнт тэмцээн болон "Бүтээлч эмэгтэй, Төлчин мисс, Цагаан сүүний цацал" зэрэг олон олон арга хэмжээ зохиогдлоо.